ЏЕФ БЕЗОС И ЛОРЕН САНЧЕЗ КОНЕЧНО ВЕНЧАНИ! Првпат се појавија во јавност како брачен пар – еве каде го продолжија славењето!
Credit line: Stefano Rellandini / AFP / Profimedia
Основачот на Amazon, Џеф Безос (61), и поранешната новинарка (55), беа фотографирани во сабота, 28 јуни, во Венеција, Италија, како го напуштаат хотелот Aman пред да влезат во водено такси кое ги одведе на ручек во прочуениот „Harry’s Bar“.
Лорен, облечена во црн фустан со спуштени рамена и сончев шешир — држејќи ташна од брендот „Hermès Kelly“ — им мавташе и им испраќаше бакнежи на насобраните додека сопругот ѝ помагаше да влезе во чамецот, по што заедно пристигнаа на ручек.
Локалот беше затворен за јавноста поради нивната специјална поственчална вечера, со цел парот да може да ужива во приватност.
View this post on Instagram
Венчавка
Парот се венча на островот Сан Џорџо Маџоре во Венеција, Италија, во петок, 27 јуни.
Свеченоста траеше неколку дена, а поканети беа бројни познати пријатели на славен пар, вклучувајќи ги Опра Винфри, Гејл Кинг, Орландо Блум, Ким Кардашијан, Клои Кардашијан, Крис Џенер, Кајли Џенер, Карли Клос, Леонардо ДиКаприо, Ашер и Том Брејди.
Меѓу другите познати гости беа и кралицата Ранија од Јордан, Бил Гејтс и неговата девојка Паула Хурд, Франсоа-Анри Пино, како и модните дизајнери Дајан фон Фирстенберг, Доменико Долче и Томи Хилфигер.
Извор за списанието People открива дека церемонијата започнала со изведба на песната „Can’t Help Falling in Love“ од Елвис Присли, во изведба на Матео Бочели, придружена со громогласен аплауз од гостите.
Кратко по венчавката, Санчез на својот Instagram профил сподели прва фотографија од свадбата. На фотографијата таа и Безос насмеани се држат за рака во градината, додека гостите ги гледаат.
Според Vogue, венчаницата на Санчез со сирена силуета и корсет била изработена по мерка од модната куќа Dolce & Gabbana и украсена со рачно изработени италијански тантели. Носела позајмени обетки. А нејзиното „нешто сино“? Таен сувенир од нејзиниот лет во вселената.
View this post on Instagram
Просидба
Безос првпат ја запроси новинарката за време на летен одмор во Европа во мај 2023. Во декември истата година таа изјави дека „накратко ја изгубила свеста“ кога ѝ го покажал дијамантскиот веренички прстен од 30 карати.
Откако веста за просидбата протече во јавноста, извор изјави дека Санчез била „на седмо небо“ од среќа. „Никој никогаш ја нема видено толку среќна,“ рекол изворот. „Пресреќна е што се верила со Џеф. Тој е нејзиниот принц.“
Поранешната ТВ водителка во ноември 2024, гостувајќи во емисијата Today, изјави дека го организира своето венчавање исто како секоја друга жена.
„Морам да признаам, имам Pinterest,“ се нашали Санчез. „Иста сум како секоја невеста.“
Хyпе ТВ
КОНCЕРТ ВО СКЕНДЕРИJА – ЛУКАС, ШКОРИḰ, ИЛИḰ – КАРТИ ТУКА.
БОНУС ВИДЕО!
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
