ПАНИКА НА АЕРОДРОМОТ! Мечка влегла на писта!

Фото: Pixabay

На аеродромот Јамагата во Јапонија во четврток се случи вистинска сцена кога беше забележана мечка на пистата, поради што аеродромот привремено беше затворен, а дури 10 планирани летови беа откажани, јавува NHK.

Фото: Pixabay

Животната првпат била забележана во 7 часот наутро по локално време, по што вработените се обиделе да ја растераат. Меѓутоа, околу пладне мечката повторно се појавила на пистата. Ова ги натерало раководството на аеродромот да преземат драстични мерки и да ја затворат пистата за сообраќај, со цел да се избегне можен инцидент или загрозување на патниците и авионскиот сообраќај.

Брзо била повикана локална ловечка екипа која поставила специјална замка, но до 18 часот мечката сè уште не била фатена. Властите нагласуваат дека животното е вознемирено и може да стане опасно доколку се почувствува загрозено. Персоналот на аеродромот планира утринска контрола на пистата во петок, по што, врз основа на безбедносна проценка, ќе донесат одлука за повторно воспоставување на летовите. Иако засега нема пријавени повредени лица, ситуацијата предизвикала значителни доцнења и пренасочувања на неколку летови. Властите апелираат граѓаните да избегнуваат движење во околината на аеродромот додека мечката не биде безбедно отстранета.