Македонија со туристички бум: Се очекуваат 1,5 милиони странски туристи до крајот на 2025 година

Македонија со туристички бум: Се очекуваат 1,5 милиони странски туристи до крајот на 2025 година!

Скопје, 27 јуни 2025 – Туризмот во Македонија бележи значителен раст, покажуваат најновите податоци на Министерството за култура и туризам. Во првата половина од 2025 година, бројот на странски туристи пораснал за 21,6 проценти во споредба со истиот период лани. Доколку ваквиот тренд продолжи, до крајот на годината се очекува државата да ја посетат околу 1,5 милиони странски гости.

принтскрин:24мк

Овој пораст би можел да донесе приходи и до 500 милиони евра, што според надлежните, претставува огромна можност за економски раст, развој на инфраструктурата и зајакнување на туристичките капацитети. Министерството за култура и туризам, предводено од министерот Христијан Љутков, веќе спроведува реформски мерки за подобрување на туристичката понуда, а во тек е интеграцијата на Агенцијата за промоција и поддршка на туризмот во рамки на министерството.

Од Министерството нагласуваат дека првите четири месеци од годината потврдуваат дека Македонија се позиционира како достапна, безбедна и автентична дестинација на Балканот. Особено позитивно е тоа што растот е забележан и во периоди надвор од главната туристичка сезона.

Најмногу туристи доаѓаат од Турција, кои сочинуваат дури 42% од вкупниот број странски посетители. Следуваат Србија со раст од 20–30%, како и Германија, Грција, Хрватска и Романија. Стабилен интерес има и од соседните земји – Бугарија, Албанија и Словенија, додека кај туристите од САД, Косово, Италија и Холандија бројките остануваат на слично ниво како лани.

Македонија полека, но сигурно, се движи кон исполнување на визијата – да стане препознатлива туристичка земја која нуди доживување, автентичност и гостопримство во текот на целата година.

БОНУС ВИДЕО: