Шест намирници што треба да ги јадете по 60-тата: Суперхрана за здрав мозок, срце и коски!
Шест намирници што треба да ги јадете по 60-тата: Суперхрана за здрав мозок, срце и коски
По 60-тата година, изборот на храна станува клучен за одржување на здравјето, енергијата и виталноста. Нутриционистите издвојуваат шест намирници кои имаат силно позитивно влијание врз функциите на мозокот, срцето, видот, коските и варењето, а нивната редовна консумација може да придонесе за подолг и поквалитетен живот.
принтскрин:пихсел
Ореви – богати со омега-3, антиоксиданси и полифеноли, тие го поддржуваат здравјето на мозокот и срцето. Две порции неделно (околу 60 грама) се доволни за здраво стареење и намален ризик од хронични заболувања.
Мешунки, особено наут – одлични за здравјето на коските, благодарение на изофлавоните и полифенолите што го зголемуваат метаболизмот на коскеното ткиво. Идеални за жени во постменопауза.
Ф’стаци – само една шака дневно може да помогне во варењето и да го зајакне видот. Истражувањата покажуваат намалено клеточно оштетување и подобра регулација на шеќерот кај луѓе кои ги јадат редовно.
Лиснат зелен зеленчук – спанаќ и кељ се полни со витамин К, фолна киселина и антиоксиданси што го поддржуваат мозокот и помагаат во одржување на добрата меморија.
Брусница – содржи антоцијанини кои го штитат мозокот и уринарниот тракт, и може да го намалат ризикот од Алцхајмерова и Паркинсонова болест.
Сливи – богати со биоактивни соединенија што го забавуваат губењето на коскената маса. Само 50 грама дневно може да имаат големо влијание врз густината на коските.
Со балансирана исхрана што вклучува овие намирници, луѓето над 60 години можат значително да го подобрат квалитетот на својот живот и да ги намалат ризиците од низа здравствени состојби.
Шест намирници што треба да ги јадете по 60-тата: Суперхрана за здрав мозок, срце и коски!
БОНУС ВИДЕО:
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
