КАРЛЕУША ЖЕСТОКО ОДГОВОРИ НА ТОШИЌ: „КАКО ЖЕНА ШТО САМА ИЗДРЖУВАШЕ ДВЕ ДЕЦА!

Скандалот меѓу пејачката Јелена Карлеуша и нејзиниот поранешен сопруг, фудбалерот Душко Тошиќ, не стивнува. Иако нивниот развод е веќе позната приказна, јавноста постојано дознава нови детали. Овој пат, Карлеуша се огласи преку Instagram сторис, каде остро реагираше на темата алиментација и улогата на државата во заштита на самохраните мајки.

„Благодарна сум на српската влада и претседателот за законот за алиментациско право. Како жена што сама издржуваше две деца 16 години, со само повремена ‘милостина’ од нивниот татко од странство, ова е голема победа за сите мајки!“, напиша таа.

Фото Скриншот Instagram карлеусастарнеw

Карлеуша истакна дека со новиот закон, државата ќе исплаќа алиментации од посебен фонд, а потоа ќе ја бара наплатата од родителите што избегнуваат финансиска одговорност.

„Ова е закон за секоја жена што сама се бори. За секоја мајка што се чувствува напуштена. И за секое дете што заслужува грижа и поддршка,“ додаде пејачката.

Во продолжение на објавата, таа изрази и поддршка за претседателот на Србија, Александар Вучиќ, посочувајќи дека вака изгледа државна борба против белата чума.

„Кога јас ги родив моите деца, не добив ни пакет пелени од државата. Денес, мајките добиваат реална помош. Тоа е разликата“, заклучи Карлеуша.

Оваа нејзина порака повторно го фрли фокусот на тензичниот однос со Тошиќ, но и на важната тема – правата и заштитата на самохраните родители.