СТРАВОТНИ СЦЕНИ! Стампедо во Индија однесе неколку животи!
Стампедо во Индија однесе неколку животи
Фото: Printscreen X/snakeyesV1
Неколку луѓе загинаа во стампедо пред крикет-стадионот во Бангалор, главниот град на јужната индиска сојузна држава Карнатака, јавија индиските медиуми во средата.
Инцидентот се случил кога илјадници навивачи се собрале за да го прослават натпреварот од Индиската Премиер Лига во крикет.
Емитерот NDTV извести дека најмалку 11 луѓе загинале, додека весникот „The Indian Express“ јави за најмалку 10 смртни случаи и повеќекратни повреди.
Стампедо во Индија однесе неколку животи
Заменик-главниот министер на државата Карнатака, Д. К. Шивакумар, изјави дека во моментот не може да ги потврди смртните случаи.
– Ова не беше контролирана толпа. На полицијата ѝ беше многу тешко – го цитира агенцијата AFP.
– Им се извинувам на народот на Карнатака и Бангалор. Сакавме да организираме парада, но толпата беше многу неконтролирана… толпата беше преголема – додаде тој.
Локалните ТВ канали емитуваа снимки на полицијата како ги преместува повредените луѓе во најблиските амбулантни возила.
Пренатрупаност и стампеда се чести на масовни собири во Индија, често за време на верски настани, каде што се собираат милиони верници.
Во февруари најмалку 18 лица загинаа, а повеќе од 10 беа повредени во стампедо на железничка станица во Њу Делхи, додека толпата брзаше да ги фати возовите кон најголемата верска конгрегација во светот — Маха Кумбх Мела.
Хyпе ТВ
КОНCЕРТ ВО СКЕНДЕРИJА – ЛУКАС, ШКОРИḰ, ИЛИḰ – КАРТИ ТУКА.
БОНУС ВИДЕО!
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
