„НЕМА ДА ДОЗВОЛАМ МЕНАЏЕРИТЕ ВО НАШАТА БРАНША ДА БИДАТ НАРКО-ДИЛЕРИ!“ Саша Мирковиќ ја ОТКРИ ПРИЧИНАТА ЗА ОБИДОТ НА НЕГОВО УБИСТВО!

Фото: Ataimages / Принтскрин – Друштвени мрежи / Илустрација

Саша Мирковиќ преживеа обид за убиство – се огласи со силна порака до јавноста

Сопственикот и директор на Hype продукцијата и телевизијата, Саша Мирковиќ, на 10 мај годинава преживеа обид за убиство. Нападот го извршил Велибор Поповиќ – Поп, лице кое претходно било познато на полицијата. Инцидентот се случил пред хотелот „Шератон“ во Загреб.

Според сведоците, Мирковиќ бил нападнат без предупредување. Напаѓачот се обидел да го удри по глава, но Мирковиќ инстинктивно ја подметнал раката за да се заштити. Поради тоа, добил тешки скршеници на раката на неколку места. Тој веднаш бил пренесен во болница, каде му била извршена итна операција.

Нападот предизвика силни реакции во јавноста, особено поради тоа што Мирковиќ е познат медиумски работник и јавна личност. Безбедносните органи во Хрватска веднаш покренаа истрага, а напаѓачот е приведен.

Неколку недели по нападот, Саша Мирковиќ се огласи на својот TikTok профил. Тој сподели видео во кое ги покажа последиците од нападот – лузни, завои и видлива болка. Во емотивната порака, тој зборуваше за насилството, стравот, но и за решеноста да продолжи понатаму, посилен од кога било.

„Не ме срушија, само ме зајакнаа. Се борам, закрепнувам и продолжувам“, рече Мирковиќ во видеото.

Неговата порака доби илјадници реакции од поддржувачи, кои му посакаа брзо закрепнување и правда. Мирковиќ најави дека по целосното закрепнување ќе зборува подетално за инцидентот.

– Удар одзади и обид за убиство. Кога ме удри одзади, па се обиде да ме шутира во глава. Тогаш се обиде да ме убие. Зошто? Затоа што не сакам да дозволам менаџери во нашата естрадна бранша да бидат нарко-дилери или трговци со оружје, кои се сè поблиску до пејачите, како оваа кукавица. Затоа што удира одзади и затоа што е обичен монструм – изјави Мирковиќ.