Историски артефакт со историска цена: Сабјата на Наполеон продадена за 4,66 милиони евра!
Сабја што му припаѓала лично на Наполеон Бонапарта беше продадена на аукција во Париз за неверојатни 4,66 милиони евра, соопшти реномираната аукциска куќа Друо. Со оваа цена, овој уникатен предмет речиси го достигна светскиот рекорд за наполеонски артефакт, кој сè уште го држи мечот од Битката кај Маренго, продаден за 4,8 милиони евра.
фото:принтскрин/тв21
Произведена во периодот меѓу 1802 и 1803 година од прочуениот оружар Никола-Ноел Буте, сабјата првично беше проценета на вредност од 700.000 до 1 милион евра – но интересот на колекционерите ја надмина секоја очекувана граница. Наполеон, кој во тоа време бил прв конзул на Франција, му ја подарил оваа сабја на својот доверлив соработник Емануел де Гручи, кого подоцна го прогласил за последен маршал на Империјата.
Од тогаш, сабјата се наоѓала во сопственост на семејството Гручи, а со оваа продажба беше впишана во историјата како еден од најскапо платените артефакти од ерата на Наполеон. Интересен факт е дека идентична сабја од истиот мајстор се наоѓа денес во славниот музеј Ермитаж во Санкт Петербург.
Оваа аукција уште еднаш потврди дека историските симболи на моќ и влијание никогаш не ја губат својата вредност – напротив, со текот на времето, само ја зголемуваат.
Историски артефакт со историска цена: Сабјата на Наполеон продадена за 4,66 милиони евра!
Бонус видео:
ЧИТАJТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАJНОВИ ВЕСТИ ОД ЕСТРАДАТА!
