Уште 11 повредени од пожарот во Кочани остануваат на лекување во странство!

Уште 11 повредени од пожарот во Кочани остануваат на лекување во странство!

Министерството за здравство денеска соопшти дека четворица од повредените во трагичниот пожар во дискотеката „Пулс“ во Кочани се враќаат од странски болници и ќе продолжат со лекување во Скопје. Еден од нив веќе пристигнал од Софија вчера, двајца доаѓаат денеска од Белград, а уште еден пациент се очекува да пристигне утре, повторно од Софија.

ZAKANI ZA PRITVOR NA RODITELITE NA MALOLETNITE DECA ZAGINATI VO TRAGEDIJATA VO KOČANI?!

Со нивното враќање, бројот на пациенти кои сè уште се лекуваат во странски медицински центри се намалува на 11. Министерството информира дека нивната здравствена состојба е стабилна.

Во меѓувреме, специјалисти од Клиниката за пластична хирургија редовно ги посетуваат повредените во Општата болница во Кочани, каде вршат прегледи, медицински третмани и тријажа. Исто така, во третманот се вклучени и експерти по физикална медицина и психијатрија, со цел сеопфатна грижа за пациентите со изгореници.

TOČNO VO 12:05 ČASOT RODITELITE NA ZAGINATITE DECA VO KOČANI SE UPATIJA NA RAZGOVOR VO OSNOVNOTO JAVNO OBVINITELSTVO VO SKOPJE! (VIDEO)

„Министерството за здравство континуирано ја следи состојбата со повредените пациенти и презема сè неопходно за обезбедување на најдобар можен третман и рехабилитација,“ се наведува во соопштението.

Да потсетиме, во пожарот што избувна на 16 март во дискотеката „Пулс“ животот го загубија 62 лица, а околу 200 беа повредени и хоспитализирани во различни болници низ земјата и странство.