Васил Јованов кој ја прегази Фросина на пешачки премин на зелено светло – доби 12 години затвор!

Васил Јованов кој ја прегази Фросина на пешачки премин на зелено светло – доби 12 години затвор!

Основниот кривичен суд Скопје му изрече казна затвор од 12 години на 21-годишниот Васил Јованов, кој во јануари оваа година на булеварот „Партизанска“ во Скопје ја прегази 22-годишната Фросина Кулакова. Трагичниот настан се случи на обележан пешачки премин, додека младата девојка преминувала на зелено светло. Јованов управувал автомобил без возачка дозвола, под дејство на алкохол и поминал на црвено светло.

Судијката Снежана Марковска, објавувајќи ја пресудата, посочи дека судот ги зел предвид и олеснителните и отежнителните околности. Признанието на вина, младоста и изразеното каење на обвинетиот се земени како олеснителни, но истовремено судот ги уважил и сериозните отежнителни фактори – претходна осуда за трговија со дрога, бројни сообраќајни прекршоци и, најтрагично, загубата на млад човечки живот.

фото: сдк.мк

Покрај казната затвор, Јованов доби и забрана за управување моторно возило во траење од пет години, како и парична казна. Пресудата е неправосилна и обвинетиот има право на жалба.

Во меѓувреме, Основното јавно обвинителство Скопје поднесе обвинителен предлог и против таткото на обвинетиот, Зоран Јованов, поради кривичното дело Предизвикување општа опасност. Според обвинителството, тој му овозможувал на својот син да управува возило иако знаел дека тој нема положено за возачка дозвола.

Оваа трагедија уште еднаш го отвори прашањето за безбедноста во сообраќајот, контрола на несовесните возачи и одговорноста на семејствата во спречување на вакви случаи.

БОНУС ВИДЕО:

Коментар на социјална мрежа го доведе до суд: Осуден скопјанец за ширење омраза!

Грешка или најслатка пакост? Момче нарачало илјадници лижавчиња преку интернет!(видео)

16-годишно девојче исчезна во Скопје – МВР трага по неа!